|
LUX MUNDI GEMEENTE, GARSFONTEIN, PRETORIA
(NG KERK)
VAKATURE:
BEDIENINGSKOÖRDINEERDER
POSBESKRYWING
Die persoon is verantwoordelik vir die ontvangs, algemene administrasie
en ander funksies in samewerking met die leraars.
DIE VEREISTES VIR
DIE POS
Persoonlike Vereistes
Die persoon moet:
- 'n Lewende verhouding met die Here hê,
identifiseer met die gemeente se visie en
- kernwaardes, asook ’n meelewende lidmaat van
die gemeente wees, en as lidmaat by die gemeente inskakel indien hy/sy
nie reeds 'n lidmaat is nie.
- Goeie menseverhoudinge en
kommunikasievaardighede, asook die vermoë om in spanverband te kan
saamwerk.
- Gemaklik onder druk kan werk.
- Oor goeie administratiewe en organisatoriese
vaardighede, asook kreatiewe vermoëns beskik.
- Baie goeie rekenaarvaardigheid (Word,
Powerpoint & Excel) asook vaardig met Sosiale Media (Facebook en
Instagram).
- Kwalifikasies: Tersiêre opleiding: verkieslik
in Kantoor-administrasie/Sekretarieel.
- Werksondervinding: Moet ten minste drie jaar in
soortgelyke werksomgewing gewerk het – verwysings van vorige
betrekkings sal graag bevestig wil word. (Verskaf referente)
Take
- Verantwoordelik vir ontvangs en alle verwante
administrasie.
- Betrokke by die koördineering en organisering
van alle eredienste.
- Algemene administrasie van toegewysde
bedieninge insluitend begrotings en kommunikasie met belanghebbendes
- Administrasie van Winkerk en bestuur van
Gemeente se databasis
- Sekere administratiewe en koördineringstake van
die Inkombediening en Groeigroepbediening
Spanwerk
- Die persoon moet goed in spanverband kan
funksioneer en opbouend werk aan die span se waardes en kultuur.
AANSOEKE
VERGOEDING
Vergoedingspakket is op aanvraag beskikbaar.
WERKSURE
- Dit is ’n 7/8 pos met verpligtinge van 16 tot
20 aand-vergaderings per jaar.
- Amptelike werksure is Maandag tot Vrydag: 08:00
tot 15:00
- Op rotasiebasis saam met die ander
Bedieningskoördineerders diens by die Inligtingstoonbank op Sondae doen.
- Betrokke by dienswerk van die gemeente by
Sondae en ander gemeentelike geleenthede soos gereël.
- Kruisfunksionering in spanverband met sekere
projekte.
SLUITINGSDATUM VIR
AANSOEKE
Maandag, 7 Augustus 2023
DIENSAANVAARDING
1 September 2023 of so gou moontlik, soos onderling ooreengekom.
NAVRAE
Elize Botha (Bedryfsbestuurder) (012) 998-8801 of bedryfsbestuurder@luxmundi.org.za
Die Gemeenteraad behou die reg voor om nie ’n aanstelling uit die
aansoeke te maak nie.
|
